غزل های فانی تبریزی
درباره سایت
آخرین مطالب
امکانات وب
گيسوي پريشان
ايليوب خمخم زلفون مني ديوانه اوغول
گل وريم شانه او گيسوي پريشانه اوغول
دوشنوب سنبل زلفون نه گوزل عارضوه
دييرم هالهدي گويا مه تابانه اوغول
عارضون شرحايدور آيات الهي رقمين
بنزوري صفحة حسنون اودي قرآنه اوغول
نشرايدور شمع جمالون بيله كيم نور لقا
يري وار منده اولام شمعوه پروانه اوغول
ايدوري كاكلون آشفته نسيم سحري
گذرايلور ديهسن سنبل و ريحانه اوغول
قطره قطره دوزولوب طرف جبينونده عرق
يا، سمن غرقه اولوب گوهر غلطانه اوغول
يوخ گمانيم سويا گوز جامي مگر فيض وئره
بارش اشكميله اول لب عطشانه اوغول
ياندور قلبيمي حسرت اودي گوردوقجا سني
اشگ آلون دوزولوبدور صف مژگانه اوغول
دور پيمانه دي هر گردش مخمور گوزون
اودي مستايلوري ليلاني بو پيمانه اوغول
وادي عشق و جنونه آپارور جذبه ايله
هر باخيشدا مني اول نرگس مستانه اوغول
ترك جان شرط لقاي رخ جاناندي بلي
باش ويرر عاشق اولان جلوة جانانه اوغول
سني سرمست ايليوب بادة وحدت يري وار
گر لبون طعنه ورا چشمة حيوانه اوغول
نيلهسون بيكس آنان اونداكي گل عارضوي
ارغوان تك بويانوب گورسه قزيل قانه اوغول
بير تلون قانه بويانسا يري وار ليلي آنان
دوشه مجنونكيمي گر كوه و بيابانه اوغول
ظلمله دور زماندور سني مندن آيران
واي اولا واي بيله گردش دورانه اوغول
قصدايدوبس گيدهسن اينديكي ميدانه طرف
قويما سنسون شرف و عزّت شاهانه اوغول
عرصه ني تنگايله بو قوم جفاپروده تا
آنلاسونلار كه ندور همّت مردانه اوغول
آغلا فاني گينه تكرارايله هر شام و سحر
ايليوب خمخم زلفون مني ديوانه اوغول
برچسب: گیسوی پریشان,گیسوی پریشان و طویلی داری,گیسوی پریشان تو درگیر حواشی,گیسوی پریشان سنگ,گیسوان پریشان,گيسوي پريشان,شعر گیسوی پریشان,مستند گیسوی پریشان سنگ,تو که گیسوی پریشان شده,
نویسنده: سپیده اسدیان