حیف اولدی حیف بنده جانان اولانمادوق

حیف 1 حیف! 1 1 1

تسلیم حکم حضرت سبحان اولانمادوق

عالیم اولوب، فقیه اولوب شیخ اولدب ولی!

دوزگون صفالی ساده مسلمان اولانمادوق!

دکتر، مهندس، حضرت والا، وزیر وکیل

اولدوق، ولیک حیف اولا انسان اولانمادوق!

چوخ شرح اولوندی شهرده قرآن و مثنوی

بیر مولوی تک عاشق جانان اولانمادوق!

قاری چوخالدی حافظ قرآن چوخالدی حیف!

دلدن بو یولدا تابع قرآن اولانمادوق!

هم مسجد اولدی جای ریا، همده خانقاه!

جاندان مرید مکتب عرفان اولانمادوق!

مین درد بی دوایه دچار اولدی خلقیمیز

بیر درده بو خرابه ده درمان اولانمادوق!

نفس آزدیریبدی بیزلری یارب گذشت ایله

مغلوب نفس! غالب شیطان اولانمادوق

خلق ایلدون کماله یئتاق تا عزیز اولاق

عفو ائت بیزی کی بنده شایان اولانمادوق

هی سویلدوق نمازیده « زدنی تحیّراً»

اما بو یولدا عاشق حیران اولانمادوق

چوخ اللشیب فنایه یئتاق تا بقا تاپاق

دار فناده فانی دوران اولانمادوق

فانی تبریزی