غزل های فانی تبریزی
درباره سایت
آخرین مطالب
امکانات وب
آلدی آپاردی 1 1 گویلومی
سالدی بلا و محنته آواره گویلومی
آشدی حجابی زلفی توکوب مه عذارینه
سالدی کمند طره طراره گویلومی
مژگان اوخون کمانه قویوب وردی قلبیمه
ائدی نشانه اوخلارا بو یاره گویلومی
دار وفاده خال و خط و زلفی بولمورم
سالدی نه نوعیله ره دلداره گویلومی
لب سرینی اولم ده اگر فاش قیلمارام
آگاه ائدیب دی لطفیله اسراره گویلومی
فکر و خیال وصلله دل پاره پاره دور
هجرانیدن قوتارمادی صد پاره گویلومی
تا بیر گل ایله مونس اولام دور روزگار
توش ایلدی جفائیله مین خاره گویلومی
بیع و شرایه قویدی منی ناقد زمان
یوسف کیمی چکوبدوله بازاره گویلومی
زخم خدنگ دشمنه وار چاره ای عزیز
زخم زبان دوست ائدیب یاره گویلومی
اسرار عشقی فاش ایله فانی دئدیم نولی
منصور تک چکلله دئدی داره گویلومی
برچسب:
نویسنده: سپیده اسدیان